Mae Ymddiriedolaeth Bêl-droed Cymru yn cynnal amrywiaeth helaeth o raglenni i ddatblygu pêl-droed ar lawr gwlad yng Nghymru. Mae’r rhaglenni hyn yn cynnwys pêl-droed mini a phêl-droed ar gyfer gwahanol grwpiau gan gynnwys gwahanol oedrannau, rywiau, grwpiau anabledd a lleiafrifoedd ethnig. Rydym hefyd yn anelu at ddatblygu cyfleoedd ar bob lefel, o “bêl-droed hwyl” hyd at safon iau ryngwladol.
Rydym yn mynd ati i wneud hyn drwy feithrin perthynas â chlybiau, ysgolion a sefydliadau masnachol, drwy gynnal gwyliau (festivals), llunio cynghreiriau a chynnig hyfforddiant i ddatblygu sgiliau. Ac wrth wneud hyn oll, rydym yn anelu at ddatblygu hyfforddwyr a threfnwyr yn ogystal â chwaraewyr.
Mae rhagor o wybodaeth am y wahanol elfennau yr ydym yn eu cynnig ar gael yn adran ‘Llawr Gwlad’ y wefan. Ond os oes gennych chi unrhyw ymholiad neu os ydych chi’n cael trafferth dod o hyd i’r wybodaeth sydd ei hangen arnoch, mae croeso i chi gysylltu â ni drwy ffonio 01443 844113 neu anfon e-bost atom.
Mae ein manylion cyswllt llawn i’w gweld yma.
Mae Ymddiriedolaeth Bêl-droed Cymru a Chymdeithas Bêl-droed Cymru yn falch o fod wedi helpu Cymru i ennill pum seren UEFA ar ôl ymrwymo i gydymffurfio ag egwyddorion allweddol Siarter Llawr Gwlad UEFA.